Actualidad y noticias

Adxuntamos as táboas salariais correspondentes aos anos 2012 e 2013 (AÍNDA VIXENTES) do IX Convenio colectivo nacional de centros de ensino privado de réxime xeral ou ensino regrado sen ningún nivel concertado ou subvencionado.

Adxuntamos as táboas salarias vixentes. Aínda están por negociar as de 2018

Adxuntamos táboas salariais do XIV Convenio de Discapacidade aínda vixentes. O convenio está denunciado e aínda estamos pendentes da actualización das táboas.

Adxuntamos salariais aínda vixentes para as escolas de xestión privada e de xestión indirecta. Está denunciado o convenio e aínda estamos pendentes da actualización das táboas.

A base de  cotización á seguridade social  determinada polo novo salario mínimo interprofesional é de 858,55 euros por xornada completa. No cadro especificamos cal é a base corrrespondente segundo o número de horas semanais.

NÓS TEREMOS ESTE ANO OS MESMOS SALARIOS DE 2017, INCREMENTO 0%. O PRESIDENTE DA XUNTA SUBIUSE O SALARIO O 1% PASANDO DE 72.679,02€ A 73.406€, É DICIR 727,74€ MÁIS.

A verdade é que non é moito pero menos é 0€ que é o que nos soben a nós. Supoñemos que quen viaxa en coche oficial e vive en casa oficial e non paga nin gasolina nin hipoteca ten moitas máis dificultades ca nós para chegar a fin de mes, de aí a necesidade imperiosa dese incremento de 727€. Iso para nós non é nada, e se nolo soben somos capaces de gastalo en vicios. 

Exemplos:

Un auxiliar cun trienio gaña 681,72€, polo que lle faltan 54,18€ para chegar ao SMI que son 739,5. Así pois debe de cobrar un complemento por esa cantidade, 54,18€

O mesmo auxiliar se ten 4 trienios gaña 729,48, polo que só lle faltan 6,42€ para alcanzar os 739,5€ do SMI. Polo tanto, o complemento que debe percibir é só de 6,42€.

MIRADE AS TÁBOAS

Os docentes en pago delegado percibirán os atrasos correspondentes ao incremento do 1% dun total de 8 mensualidades (xaneiro a xullo máis extra)
Para ver as cantidades que che corresponden pincha en "Ler máis".

No BOE do mércores 28 de xuño de 2017 publicase a LEI 3/2017 de 27 de xuño na que se incrementan os módulos de concertos  nun 1% polo goberno central; o goberno da nosa comunidade, segundo consta no anexo IV da LEI 3/2017 do 13 de xullo, aplicará ese incremento a todos os conceptos, polo que o noso salario quedará tal e como aparece na táboa.

Para máis información pincha en "Ler máis".

O 19 de xullo de 2017 asináronse as táboas salariais do VI Convenio colectivo de empresas de ensino privado sostidas total ou parcialmente con fondos públicos.
É posible que algúns de vós xa estiverades a recibir estas novas retribucións en forma de “A conta convenio” Esta apostila debe desaparecer das vosas nóminas, que quedarán tal e como aparecen nas seguintes táboas. As empresas terán tres meses de prazo desde o momento no que este acordo sexa publicado no BOE para regularizar e aboar os atrasos correspondentes.

Se queredes ver as táboas pinchade en "LER MÁIS".

Adxuntamos as táboas salariais 2015 e 2016 do convenio de Autoescolas.

O Sindicato Nacional de Ensino Privado (S.N.E.P.) da FeSP-UGT non pode valorar positivamente o Proxecto de Orzamentos de Galicia para o ano 2017 no tocante ás retribucións do persoal en pago delegado.
O 2 de xuño de 2016 a administración asinou coas organizacións sindicais UGT, CCOO e CSIF un acordo en virtude do cal a Xunta se comprometía a “ recuperar na Lei de orzamentos para 2017 as dúas pagas adicionais do complemento específico ou retribucións equivalentes”. O Sector de Ensino da FeSP-UGT, vía enmendas, conseguiu que tamén se incluíse ao persoal en pago delegado do ensino concertado. E isto si que se contempla nos orzamentos polo que recuperamos o salario de 2011 incrementado, polo menos, nun 1%, polo que o aumento respecto a 2016 é será de 107’87€, 113’53€ ou 124’29€ brutos segundo o nivel educativo.
Pero na xuntanza da CTEPC do 14 de outubro se nos indicou, ademais,  que se estaba a procurar introducir a partida necesaria para aboar as cantidades recortadas desde marzo ata decembro de 2013. Pois ben, non aparecen nestes orzamentos as partidas adicadas a esta cuestión. Lembramos que tampouco hai partidas orzamentarias para a restitución de anteriores recortes nin para o pago da PEA (o cal se especifica claramente), o que supón a continuación dunha aldraxe mantida no tempo e, á que, nalgún momento, teremos que dicir BASTA XA.

Onte, día 12 de setembro, as patronais CECE e ACADE e as organizacións sindicais FeSP-UGT, CCOO e USO asinamos as táboas salariais dos centros de perruquería e estética, de ensinanzas musicais e de artes aplicadas e oficios artísticos para os anos 2014, 2015 e 2016.
Os acordos alcanzados son:
Para o ano 2014, mantemento salarial, polo que en consecuencia as Táboas Salariais para 2014 quedan tal e como estaban no 2013. Para o ano 2015 a subida salarial é de un 0,5% e para o ano 2016 a subida salarial é de un 1%.

Como xa vos anunciamos en decembro, os módulos de concertos foron incrementados nun 1% e a Consellería XA aplicou este incremento na nómina de xaneiro. 

Comproba que percibiches a cantidade que che corresponde.

Os módulos de concertos foron incrementados nun 1% polo goberno central e o goberno da nosa comunidade aplicará ese incremento, segundo consta no Proxecto de Orzamentos 2016, polo que o noso salario quedará tal e como aparece na táboa do documento que adxuntamos.

No DOG de 5 de outubro publicouse a lei 11/2015 en virtude da cal se nos aboaría o 1’18% do salario base e antigüidade recortado pola aplicación da Lei Lei 5/2012 de 3 de agosto de adaptación ás disposicións básicas do RDL 20/2012 de 13 de xullo. 

Estaba previsto, segundo nos informou directamente un responsable da Consellería, que o aboamento desta cantidade se fixera coa última nómina do ano, pero a proximidade das eleccións xerais activou e reactivou dun xeito inusitado a aplicación desta medida, téndose xa aboado esta cantidade na nómina de outubro.

NO DOCUMENTO ADXUNTO EXPLICAMOS AS CANTIDADES QUE DEBERIAMOS TER PERCIBIDO NA NÓMINA DE OUTUBRO

Hoxe asináronse as táboas salariais do XIV CCG de Centros e Servizos de Atención a Persoas con Discapacidade. Por parte patronal subscribíronas AEDIS E FEACEM e por parte sindical, FETE-UGT e CCOO.

Xa vos anunciamos anteriormente que a Consellería dun xeito arbitrario e absurdo decidiu abaornos o 0’45% correspondente aos módulos de salarios e gastos variables de 2012.

- Para Infantil, Primaria, Educación Especial e 1º Ciclo de ESO supón 93’94€ en salario base e 2’24€ por trienio.
- Para 2º Ciclo da ESO, FP e FP Básica supón 110’32€ en salario base e  2’8€ por trienio.